لما اتوفى البابا أجا حدا وقلي أنه فعلًا في ناس بتموت ورا أحبابها من كتر صدق حبهم، ولأنهم جد بحبوهم مش اتعودوا عليهم.

هاي الصبية حكت الكلمة من باب أنها تساعدني أتخطى حزني وأصير أحسن.

لكن الي هي ما كانت عارفيته أنه هاي الكلمة كان إلها تاثير صعب علي

ظلت هاي الكملة لوقت طويل براسي، الشعور بالذنب قتلني من جوا؛ لأنه كيف أنا معقول ما بحب البابا كفاية؟ معقول مش حزينة عليه وهيني لسه موجودة هون على الأرض وهو هناك بالسما؟

أخدني مشوار طويل لأتخلص من أثر هاي الكلمة علي وعلى تفكيري وحزني.

من وقتها اتعلمت أدير بالي من كل كلمة بحكيها عشان ما بعرف الي قدامي كيف ممكن يفهمها.