أكثر شخص بوقّف بطريقك إنك تكوني أحسن نسخة من حالك هو إنتِ!

أغلب الأوقات منخاف نواجه حالنا ومرّات ما منعرف كيف نهرب ومنحط اللوم على كل اشي تاني. بس تعالي نتشجّع ونواجه حالنا. نواجه دوافعنا وإرادتنا ومشاعرنا. حتى بالله ومعه نطلع بنسخة أحسن منا.

حتى نواجه حالنا لازم نكون صادقين، وحقيقيين، وندوّر ورا الدافع الحقيقي لكل اشي عملناه وعم نعمله. خذي ورقة وقلم واكتبي تفاصيل اليوم، وشوفي ليه تصرفتي هيك؟ وليش حكيتي هاي الكلمة؟ أو فكرتي بهاي الفكرة؟

ممكن تكون من الأشياء العملية إنك تصحي أبكر شوي أو تقضي وقت أكثر لحالك. وخلّيها عادة يومية إنك تواجهي حالك وتحكي معها بصدق.