عمرك تعرضتِ لإساءة من شخص قريب؟

شاعرة بالظلم والألم من الأذى اللي تعرضتي له؟

عندك شعور بالمرارة؟؟

شو ما كان الحال فأنتِ أكيد بحاجة حتى تتخلّص من الألم والمرارة،

الموضوع بده شوية فلترة عاطفية مع شوية نضج روحي وشوية تواضع … مش سهل أكيد

تذكري شو ما كانت طبيعة العلاقة مع الشخص المسئ أو قد ما كان كبير حجم الإساءة… انه الغفران هو قرار انت بتاخدي لوحدك، حتى تطلقي وتحرري الشخص المسيء. صح فيه تنازل كتير، ويمكن بنظرك الشخص غير مستحق… لكن انت عم تغفري حتى انت تتحرري من قيود وأحمال متعبيتك ورابطيتك. أفكار تساعدك في أن تغفري… 

اجلسي جلسة هدوء مع نفسك، واسألي نفسك، شو انا محتاجة حتى أغفر. 

أول اشي تعالي نفكر بالأفكار اللي عم بتصعّب فكرة الغفران؟ 

بدي آخد حقي اللي ضيعلي اياه فلان…. 

بدي أتنازل عن احتياجي للعدل. وتذكري انه الله اله كل عدل … وهو سيحاسب في وقته اتركي الموضوع اله.

بدي أثبت انه الحق معي……لازم تتنازلي عن احتياجك للحبّ والقبول… وتأكدي احتياجك طبيعي ومشروع بس مش واقف على شخص معين… وتذكري مين حبك وقبلك وفدى نفسه لأجلك.

أريد أن يدرك المسيء أنه سبّب لي ألمًا عميقًا….

بدي أتنازل عن احتياجاي للتعاطف والمواساة. وتذكري ما حدا فاهم دواخلك زي ربنا.. وما حدا رح يقدم التعاطف متله.

تاني اشي اكتبي رسالة للشخص اللي بدك تغفري له 

هاي الرسالة خاصّة إلكِ، ما حدا رح يشوفها غيرك انت

اكتبي فيها كل الأحداث بتفاصيلها، ما تشعري بالملل، ممكن تاخدي استراحة أو تكتبي على فترات متباعدة زمنيًا،  اكتبي مشاعرك وألمك. لا تقلّلي من أي شيء. 

اكتبي: أنا أغفر (اذكري اسم الشخص) وحدّدي الأمور اللي بدك تغفري عليها، يمكن ما تكوني شاعرة برغبة بالغفران، اكتبي حتى لو لم تشعري. 

اطلبي غفران الله لك بصلاة صادقة. وقولي لله: أنت أوصيتني أن أغفر، وأنا لم أغفر بعد، يا ربّ اغمر حياتي بنعمتك. اغفر لي. 

اقبلي غفران الله لك واشعري بالراحة أمامه ملقية كل أحمالك. 

باركي بصلاتك الشخص المسيء. يا ربّ، أبارك (اذكر اسم الشخص) وحدّدي نوع البركات التي تصلّي لها. 

والآن غُفر لي وغفرت… الحياة أفضل. 

صلاة: يا رب شكراً لأنك إله غفور ورحيم. شكرًا لأجل عملك في حياتي وتغييرك لي. شكرًا لأنك تهتم لأملي وتحبّني وتغفر لي. أنا متألمة وأشعر بالغضب والارتباك والألم، أحتاج لمعونتك. قرّرت أن أغفر لـ____ من أجل ____ لا أريد أن أكون مسجونة في عدم الغفران. يا رب ساعدني كما دعوتني أن أغفر، لا يمكنني أن أفعل ذلك دون معونتك. 

لما تشعري بصعوبة الغفران تذكري غفران الله وتأملي في وصيته

اللي رح يسعدك أن تغفري انه تدركي كم غفر الله لكِ. يمكن ما تقدري تمارسي الغفران هلأ في الحال ولكن الله بنعمته سيعدّك إلى اتخاذ هذه الخطوة…

انضمي إلينا اليوم وكوني جزءًا من مجتمعنا المتنوع! سجّلي الآن وأنشئي ملفك الشخصي للاستمتاع بفوائد عديدة وتجارب فريدة داخل موقعنا.