موضوعات أخرى

انتظرِي رجل مُمَيَّز مثل هيك!

معرفة العقل
انتظرِي رجل مُمَيَّز مثل هيك!
بقلم : ميكال حدَّاد

من الأكيدِ أنّكِ فكرّتِ كثيرًا بمواصفات شريك حياتِك؛ طوله، مظهره، وظيفته، سيارته، وحتّى يمكن قرَّرتِ لون عيونه. بمرحلة العزوبيَّة بتتقابلي مع أنواع كثيرة من الرِّجال؛ هل سألتِ نفسِك شو بِمَيِّز شاب عن بقيَّة الشَّباب؟

أنا أخذت جوابي من أُنشودة حُبّ. في الأنشودة فتاة بِتكلّم حبيبها وبتقول: "كالُتفاحِ بَينَ شَجَرِ الوَعْرِ كَذلِكَ حَبيبي بَينَ البنين. تَحت َ ظلِّهِ اشتهيتُ أن أجلِسَ وَ ثَمَرَتُهُ حُلوةٌ لِحَلقي ... وعَلَمُهُ فوقي محبةٌ. أسنِدوني بأقراصِ الزبيبِ أنعِشوني بالتّفاحِ فإنّي مريضَةٌ حُبًّا" (نشيد الأنشاد ٢: ٣-٥). غَزَل غريب، لكن معانيه عميقة.

الشاب الِّلي بتدوري عليه لازم أوَّلًا: يوفرّلِك "ظِلّ، يكون مصدر راحة إلك، شاب غير عن الشباب الآخرين. بقدِّملِك أُذُن مُصغِية وقَلِب مُتَفَهِّم. مثل ظلّ شجرة مثمِرة؛ وجوده مريح لأنه الله ساكن بحياته، مش جمال أو مال على الفاضي.

ثانياً: "ثَمَرَتُهُ حلوة". كلامه لطيف مَعِك ومع الآخرين، ما بيجرَح. بتيجي عندو وبتوثقي إنه مش رح ينتقدك، يفشلك، أو يسخر من أخطائِك. كلامه حلو مش حتى يغريكِ، لكنه نابع من محبة طاهرة واهتمام صادق.

ثالثاً: الشَّب المُمَيز بيعرف شو بدّو وبيسعى حتى يحصل عليه. مش بحاجة يسأل كُل أصدقاؤه إذا بيتقدَّملك أو لأ. الرجل الِّلي بيستحقك بعرف قيمتك الغالية، وبيِعلِن حُبّه بِدون خَجَل أمام الجميع "عَلَمُهُ فوقي محبَّة". من زمان كانوا الملوك لمَّا ينتصروا بمعركة يرفعوا عَلَم أبيض دلالة أنهم انتصروا على بَلَد مُعيَّن، وأعلنوا أنه صار مُلُك إلهم. استَنِّي الرَّجل الِّلي بِكُلّ جُرأة بحاول يِربَح قلبِك، وبِكُل فَخِر بِعلِن إِنِّك حبيبته.

إذا كُنتِ منتظرة فارس أحلامِك، فانتظرِي رجل مُمَيَّز مثل هيك!

 

 

مواضيع ذات صلة:

ماذا لو بقيتُ عزباء؟

من متزوِّجٍ إلى أعزَب 

متلهفًا بيأس للبحث عن شخص تواعده!

أصبحت امرأة أخرى لأجله