موضوعات أخرى

5 طرق لتوفير المال إذا كنت في طبعك بتحبِّي تصرفي

مهارة اليد
5 طرق لتوفير المال إذا كنت في طبعك بتحبِّي تصرفي
بتصرف

توفير المال مش إشي سهل، ولكن بوعدِك أنه مش شرط يكون موضوع صعب زي ما بتفكري... وهَي كم خطوة عمليّة:

  1. تبعي لصرفك

تبعي ورا كل فلس بنسحب من حسابك في البنك، احتفظي بالفواتير وسجلي كل النَّفقات.

يمكن ببيَّن الموضوع مش مسلِّي، ولكن هاد إجراء ضروري إذا كنتِ جدِّيَّة بخصوص التَّوفير.

 

  1. اعملي ميزانيَّة

بعد ما تسيطري على أمور صرفك، اعملي ميزانيَّة، ممكن ببساطة تكتبيها على ورقة أو تستخدمي نموذج الميزانيَّة  

رح تساعدك الميزانيَّة تتَّبَّعي مصاريفك، ورح ترشدك كم بلزمك من المال لكل نوع من المصروفات، مثلًا كم لازم تصرفي على الأكل شهريًّا، وكم على مصاريف السَّيَّارة، والإيجار، وغيرها...

 

  1. كوني صارمة مع نفسك

يمكن ما بتحبِّي تسمعي هيك كلام، بس ضروري تكوني ضابطة نفسك إذا كنتِ من النَّوع الِّي بصرف لمَّا لازم يكون بوفِّر. ولمَّا تحطِّي ميزانيتك التزمي فيها، وما تفَلتي أيَّام. حتَّى لو حسّيتِ أنِّك تقيَّدتي بالميزانيَّة والتزمتِ فيها لشهر مثلًا، وحسّيتِ من حقِّك تخربيها يوم، كمان ما تعملي هيك!

ظلِّك جاهدي لتكملي لأنّه تراجعِك خطوة لورا رح يصعِّب تقدُّمِك من جديد.

 

  1. اشتري سِلع عليها تصفية

مش عيب أنّه تشتري من محلّ تصفية أو محل بضاعة مستعملة؛ بالعكس في هيك محلَّات بتقدري تلاقي نوعيَّات كويسة وتشكيلة واسعة.

ولو صادفتِ وإنت بتدوري قطع وسخة شوي أو مش كتير حلوة معلش، بس رح يكون مستاهل لمَّا تطلعي بالآخر رضيانة بقطعة حلوة بنص سعرها الأصلي إذا مش أقلّ.

 

  1. اطلبي تعليمة (تحويل) أوتوماتيكيَّة على حساب التَّوفير

في تسهيلات مصرفيّة كثيرة ومتنوعة هاي الأيَّام، استغلِّيها... روحي على البنك وافتحي حساب توفير -إذا ما عندك- واطلبي تعليمة على حسابك لتحويل جزء من راتبك على حساب التَّوفير بصورة أوتوماتيكيَّة، وبتِّمّ هاي الحركة في كل مرَّة لحظة دخول راتبك للحساب.

وهيك ما بتحطِّي نفسك بتجربة صرف راتبك الِّي في حسابك الجاري، وبتحِدِّي صرفك بالمبلغ الباقي بعد الِّي انحجَز وراح للتَّوفير، وهيك بتوفري بصورة إلزاميّة قبل ما تشتري.

إضافة تعليق
بريد ألكتروني