موضوعات أخرى

فهمت منهم شو يعني ...

حكايات من الشارع
فهمت منهم شو يعني ...
بقلم : شكري البوري

صرت أفهم على أخواني منيح؛ قبل ما يطلبوا الإشي بكون عارف أنه بدهم إياه..
فاهم متى بكونوا جوعانين.. وفاهم متى بكونوا بردانين.. فاهم متى بكونوا خايفين، وعارِف متى بكونوا بده مساعدة. فاهم شو بقدروا يعملوا وشو ما بقدروا يعملوا.. فاهم متى بكونوا محتاجين اهتمام وعارف شو اهتماماتهم.. عارف أنهم بدهم اللعبة الفلانية وعارف أنهم بِغاروا من صاحبهم الفلاني... ما عندي هالخبرة الكبيرة مع الأطفال، بس خلص صرت أفهملهم منيح.

مع أني عارف كل الشّغلات هاي، لكنِّي معظم الأوقات بستناهم يطلبوا مني أعملِلهم إياها. أنا عارف شو بدهم بس بستناهم يطلبوها مني، بحب أسمعها منهم لأكثر من سبب، أهمّها أنهم يعرفوا أني قريب منهم، ودايمًا بسمعلهم، وأنه في إلهم سند وشخص واقف وراهم بِساعدهم في كل إشي، موجود جنبهم دائمًا، فاهم عليهم بس بنفس الوقت مش متطفِّل، ما بِفرِض شخصيته عليهم، بس موجود، عينه عليهم... شخص عنده الخبرة الكافية يعملِلهم كلّ إشي، بس بِفَضّل يتركهم يتعلَّموا ويعملوا الأشياء بإيديهم، عشانهم مش عشاني... لأنِّي بحِبهُم!

 

فهمت منهم شو يعني صلاة...

إضافة تعليق
بريد ألكتروني