موضوعات أخرى

بتمنَّى مرتي تعرَف

واقع الحال
بتمنَّى مرتي تعرَف

سألنا رجال متزوِّجين شو بحبُّوا أنُّه زوجاتهم يعرفوا حتَّى يكون التَّواصل بينهم أفضل وحتَّى تفهمهم زوجاتهم أكثر، وعشان ترجع شرارة الحُبّ من جديد بينهم. هاد الِّي قالوه:

 

بس بحب تدرك أنِّي بس أكون بقرأ أو بشتغل عاللَّابتوب بكون فاصل عن الدِّنيا، وبس تحكي معي هداك الوقت بكون مش سامعها ولا عارف أنها بتحكي معي "مش أنِّي متجاهلها أو مش معبِّرها".
يعني وجودي بالجسد لا يعني حضوري بالذِّهن معها إذا كنت مشغول.



من الأشياء الِّي بحسها مفيدة أنه الزَّوجين يطلعولهم كل سنة أكم يوم بعيد عن الأولاد عشان يبعدوا شوي عن ضغط الحياة.



مع إنّه بعدنا جداد و لسَّه ما طفى إشي بيناتنا -ويا رب ما يطفي- بس إجمالًا بتوقَّع أنّه فهم المرأة لصفات الرَّجل المختلفة عنها عمومًا مفتاح مهم للتَّفاهم والتَّواصل السلِس.



 هو حاليًّا لسَّاتنا عصافير حُبّ، بس الهوَش موجودة دايمًا...
بحب يعرفوا أنُّه إحنا ما منعرف شو في بمخهم، ومنفضِّل يعبرولنا بوضوح.



 مفروض كل شي يكون شفَّاف وواضح بينهم من الأساس.



 غالبًا الزَّوجات كل شي بعرفوه إلَّا باسورد الـ Credit card !
أعطيهم الباسورد والبطاقة، وهيك الشَّرارة والنَّار برجعوا من جديد.

 

نظريَّة الصَّندوق الفارغ (بصدِّقها كثير).

 

التَّوقيت (متى تتواصل)...

مثال: ما تتواصل مع زوجها بكِّير الصُّبح إذا ما كان بطبعه نشيط الصُّبح.

 


عَدّ الكلمات: بعض السَّيِّدات بستخدموا 100 كلمة لتوصيل فكرة بقدر الرَّجل العادي يوصِّلها باستخدام 50 كلمة. بينما مُحرِّر مثلي بحتاج إلى 30 كلمة ليوصِّلها.



اعرفي أنّه مختلف عنِّك، ووظفي الاختلافات لصالحكم مش ضدكم.



 يخفِّفوا تحليل الكلام ، ويوخذوا الحكي زي ما هو.



ممكن أنّه قديش منتعب أو منتنكَّد في الشُّغل.



 بعد ٢٠ سنة زواج... كلّ شي انكشف وبان. ما في إشي يعرفوه زيادة!

إضافة تعليق
بريد ألكتروني